ፍልጠት ካብ ሓበሬታ ንላዕሊ እዩ፤ ንውልቃዊ ዕብየትን ሕብረተሰባዊ ምዕባለን ዓለማዊ ለውጥን መፍትሕ እዩ። ኣብ ፍልጠት ንኹሉ፡ ኣብ ለውጢ ዘምጽእ ሓይሊ ፍልጠትን ዓቕሚ ደቂ ሰባት ናይ ምኽፋት፡ ምህዞታት ናይ ምዕባይን ዝሓሸት ዓለም ናይ ምፍጣርን ዓቕሙን ኣጽኒዕና ንኣምን። ኣብዚ ጽሑፍ እዚ፡ ፍልጠት ኣብ ውልቀሰባትን ሕብረተሰባትን ክህልዎ ዝኽእል ዓሚቝ ጽልዋ ክንምርምር ኢና።

ውልቃዊ ዕብየትን ለውጥን

ብደረጃ ውልቀ ሰብ ፍልጠት ንሰባት ንህይወቶም ክቆጻጸሩ ሓይሊ ይህቦም። ንሓድሽ ዕድላት ማዕጾ ይኸፍት፡ ፈጠራዊ ኣተሓሳስባ የዕብን ርእሰ ተኣማንነት ይፈጥርን። ውልቀሰባት ዘድልዮም ሓበሬታን ትምህርትን ምስ ዝረኽቡ፡ ብግቡእ ዝተሰነየ ቅኑዕ ውሳነታት ንምውሳን፡ ጸገማት ንምፍታሕን ሕልሞምን ራእዮምን ንምስዓብ ዝሓሸ ዕጥቂ ይረኽቡ።

ንሞያዊ ምዕባለ ሓድሽ ክእለት ምጥራይ ይኹን፡ ንዝሓሸ ናብራ ህይወት ምትዕርራይ፡ ወይ’ውን ውልቃዊ ድሌታት ምድህሳስ ጥራይ፡ ፍልጠት ንውልቃዊ ዕብየትን ዕግበትን ዘድልዩ መሳርሒታት ይህብ። ኣብ ፍልጠት ንኹሉ፡ ንውልቀሰባት ምሉእ ዓቕሞም ንኽበጽሑ ሓይሊ ብምሃብ፡ ንሰፊሕ ናይ ትምህርቲ ድሌታትን ባህግታትን ዘማልኡ ጸጋታት ንምቕራብ ክንጽዕር ኢና።

ምህዞን ምዕባለን ፈጠራን

ፍልጠት መሰረት ምህዞ እዩ። ንፈጠራ ነዳዲ ዝህብን ሓደስቲ ሓሳባትን ቴክኖሎጂታትን መፍትሒታትን ንምምዕባል ዘኽእልን እዩ። ካብ ሳይንሳዊ ርኽበታት ክሳብ ምዕባለ ቴክኖሎጂ፡ ምዕባለ ስልጣነ ደቂ ሰባት ብቐጻሊ ምድላይ ፍልጠት ዝተደፋፍአ እዩ።

ፍልጠት ንኹሉ ትምህርታዊ መድረኻትን ልዑል ብቕዓትን ዘለዎ ሓበሬታ ንኹሉ ሰብ ተበፃሒ ብምግባር ኣብዚ መስርሕ ወሳኒ ተራ ክትጻወት እያ። ፍልጠት ብማዕረ ናብ ኩሉ ሰብ ክባጻሕ ብምግባር፡ ሰባት ዝያዳ ኣብ ምህዞን ምዕባለን ፈጠራን ኣበርክቶ ክገብሩ ንምትብባዕ ቀንዲ ዕላማ ፍልጠት ንኹሉ እዩ።

ምትብባዕ ምሉእ ዕድመ ትምህርቲ

ናይ ፍልጠት ለውጢ ዘምጽእ ሓይሊ ኣብ ወግዓዊ ትምህርቲ ጥራይ ዝተሓጽረ ኣይኮነን፤ ኣብ ምሉእ ህይወት ሓደ ሰብ ዝዝርጋሕ እዩ። ምስቲ ኩሉ ግዜ ዝቕየር ጠለባት ዘመናዊ ዓለም ንምትዕጽጻፍ ናይ ምሉእ ዕድመ ትምህርቲ ኣገዳሲ እዩ። ንኣእምሮና ንጡፋት ይገብሮም፣ ጽንዓት የዕቢ፣ ቀጻሊ ውልቃውን ሞያውን ዕብየት የረጋግጽ።

ኣብ ፍልጠት ንኹሉ፡ ናይ ምሉእ ዕድመ ትምህርቲ ከም ባህሊ ንምምዕባል ክንሰርሓሉ ኢና። ዝተፈላለየ ትሕዝቶታትናን መደባትናን ንሕበረተሰብ ክብርታቱ ብዝሕሉ መገዲ ኣቀራርባን ኣገባብን ዝተዳለዎ ኮይኑ ውልቀሰባት ኣብ ትምህርታዊ ጉዕዞኦም ኣበየናይ ደረጃ ኣለዉ ብዘየገድስ ክድህስሱ፥ ክሓቱ፥ ክመሃሩን ክቕጽሉን ዘተባብዕ እዩ።

መደምደምታ

ፍልጠት ንውልቀሰባትን ማሕበረሰባትን ንዓለምን ናይ ምቕያር ሓይሊ ኣለዎ። ንሰባት ሓይሊ ይህብ፣ ንመሃዝነት ይድርኽ፣ ልምዓት የስፋሕፍሕ፣ ዓለማዊ ርድኢት የዕቢ፣ ናይ ምሉእ ዕድመ ትምህርቲ የተባብዕ። ኣብ ፍልጠት ንኹሉ፡ ትምህርቲ እምነ ኩርናዕ ናይ መጻኢ ህይወት ምዃኑ ብምእማን፡ ፍልጠት ንኹሉ ሰብ ተበጻሒ ንምግባር በተወፋይነት ተበጊሳ ኣላ።

ኣብዚ ናይ ርኽበትን ዕብየትን ጉዕዞ ተጸንበሩና። ብሓባር ነቲ ለውጢ ዘምጽእ ሓይሊ ፍልጠት ተጠቒምና ንኹሉ ዝሓሸት ዓለም ክንፈጥር ንኽእል ኢና።

Image by Gerd Altmann from Pixabay

#ፍልጠት #ዕብየት #ለውጢ #ትምህርቲ #ምዕባለ #FltetNkulu

24 July 2024

Kewani Araya/ጸሓፍን ኣዳላውን Fltet Nkulu